Shillong, Lber 07 : Haduh 14 ngut ki briew kila shah kem halor ka jingdonkti ha ka jingpynlait tuh ia ki jingkylli ka eksam Meghalaya Teachers’ Eligibility Test (MTET) ha u snem 2019.
Ia kane la pyntip da u Myntri ka Tnad Pule Puthi Rakkam A Sangma haba jubab ha ka kynta kylli jingkylli hapoh ka Iingdorbar Thaw Ain hynne ka sngi Thohdieng.
Khatwei ngut napdeng ki 14 ngut ki briew ki dei ki samla pule kiba iakhun ia ka eksam MTET, ula ong.
U Rakkam ula pyntip ba ka tyllong jong kane ka jinglait tuh ki jingkylli ka dei na u program developer bad u nongtrei ka NEICOM Impression Printing Press, Guwahati.
Ia kane ka jinglait tuh ki jingkylli la ioh ban bat nyngkong ha Tura Government College West Garo Hills, ula bynrap.
Nalor kane, u Myntri ula kular ba ka Sorkar kan sa shim ia ki sienjam ban pynthikna ba kum kine ki jingjia kin ym jia shuh hadien habud.
 ha u snem 2019.){kind=link}