Shah kawang petrol bomb sa ka len ki CRPF ha jingkieng Mawlai

0
56
petrol bomb

Shillong, Iaiong 02 : Hadien ki Thanad Pulit bad ki Ophis Sorkar, hynne ka step synnia sa ka len ki CRPF kaba don ha Jingkieng Mawlai, kala shah ther petrol bomb ha ki runar ki bym lah ban tip ki dei kiei.

Kat kum ka khubor Pulit, kane ka jingjia kala jia ha ka por 12:30 baje eiei hynne ka step.
La iathuh ba une u petrol bomb ula hap sha phyllaw kaba dei ka madan khyndew bad dei namar kata, kam shym la don kano kano ka jingjulor.

Dang hynnin ka step phyrngap, artylli ki Police Station bad kawei ka Ophis Sorkar kila shah kawang petrol bomb ha Shillong.

Kine ki kynthup ia ka Shillong Sadar Police Station bad ka Rynjah Police Station. Ka Ophis Sorkar ka dei ka Meghalaya Government Contruction Corporation (MGCC) kaba don ha Rilbong.

Ka Sorkar Jylla kala bthah ia ka Tnad Pulit ba kan pynkhlain bha ia ki bor pahara khamtam ha ka por mynmiet ban tehlakam ia kane ka jingther petrol bomb jong ki runar haba bthah ruh ia ki Ophis ba ki set ia ki kali jong ki ha ki jaka kiba shngain.