Shillong, Naitung 11: U Bah Commander Shangpliang uba dei u Producer bad kumjuh ruh u Director jong ka phlim Khasi kaba iaid iew bha ka 9-Lad u la shah jied biang kum u Nongialam, President jong ka seng ki nongshna phlim ka Meghalaya Film Makers Association (MefilMA). Lah ban kdew hangne ba u Bah Commander Shangpliang udei uwei na ki nongseng bad u la bat ia kane ka kam President naduh ba la seng ia ka.
Ka kong Simi Khongtiang kaba dei kawei na ki Director kaba la direct bun tylli ki phlim kata kumba 19 tylli ei ei ka la shah jied kum ka Vice President katba ka kong Lucky D Kharsatia kaba la direct bad produce bun tylli ki phlim khasi ka la shah jied kum ka General Secretary.
U Bah Hilar Kharbihkhiew uba dei u Producer bad ha ka juh ka por kum u Actor jong ka phlim ka ban sa mih shen ka Ahor u la shah jied kum u Assistant General Secretary bad u bah Kenny O Lyngdoh uba dei u Producer jong ka phlim kaba dang shu pynmih shen ha cinema ka 14/8 u la shah jied kum u Finance Secretary.
Ha ka sngi jied ia ki nongkitkam jong ka MefilMA u bah Commander Shangpliang, Kong Lucky D Kharsatia bad u Bah Kenny O Lyngdoh ki la shah jied khlem da don mano mano ba iakhun pyrshah ia ki, katba ka kong Simi Khongtiang ka la iakhun pyrshah bad u bah Banteilang Sawkmie ia ka kam Vice President bad u bah Hilar Kharbihkhiew bad u bah John Phirwa Mawa ki la iakhun pyrshah ia ka kam Assistant General Secretary ha kaba u bah Hilar Kharbihkhiew u la jop bad tam ia u Bah Phira mawa da 10 vote katba ka kong Simi Khongtiang ka la jop bad tam ia u bah Banteilang Sawkmie da 4 vote.
Nalor kitei ki nongkitkam kiba hakhmat ha kane ka sngi jied rih ia ki dkhot jong ka Executive Committee kiba kynthup ia u Bah Emdor Suchiang, Bah Ebormi Muksor, bah Jemberson Marak, bah Kyrshan Khymdeit, bah Roping Lawryniang, bah Banteilang Sawkmie, bah John Phirwa Mawa, bah Lasting Nongbri bad ka kong Kong Mera Siangshai.
Ha kane ka sngi la jied ruh ia u Vice President barim jong ka MeFilMa u Bah PK Shullet kum u nongai buit adviser jong ka seng.
