Mynta yn shongthait noh u President ka FKJGP ban jam sha ka jylli sain pyrthei

Date:

Share post:

Shillong, Naitung 11: U President ba rangbah duh ka Federation of Khasi Jaintia & Garo People (FKJGP) Bah Wellbirth Rani, un shongthait noh mynta ka sngi kum u Nongialam jong kane ka Sengbhalang kaba khlain bor ha Jylla, ban sdang pat ia ka jingshakri ba thymmai ha ka jylli sain pyrthei.

Ka seng FKJGP kan pynkup burom bad ai khublei khatduh ia une u Nongialam ha ka jingialang ban long mynta ka sngi ba-ar ha State Central Library, ka ban pynbud pat da ka jingpynskhem ia ki Nongialam ba thymmai jong ka seng.

U Bah Wellbirth Rani, uba la shakri la 26 snem kum u Nongialam ka FKJGP ha ki kyrdan bapher bapher, ula pynkhreh ialade ban jam pat sha ka jylli ki kam sain pyrthei, ban bteng ia ka jingshakri ia u paidbah kat kum ka jingdawa ka por.

Lah ioh jingtip ba u Bah Wellbirth ula pynkhreh ban mih madan noh kum u kyrtong Nong mihkhmat ka Jylla u ban iakhun ia ka elekshon MLA-2023 na Mawphlang Constituency, kaba mihkhmat mynta da u rang ialehkai phutbol ba pawnam ka Jylla Bah Eugeneson Lyngdoh jong ka seng United Democratic Party (UDP).

U Bah Wellbirth ula rung sha ka FKJGP ha u snem 1996 bad shimti beit beit kum u President ka Mawlai Circle bad hadien u shah jied kum u Education Secretary ka Seng Kmie bad bat ruh ha kajuh ka por k um u President ka East Khasi Hills.

U Bah Wellbirth ula shimti ia ka kam Vice Pressident ka FKJGP ha u snem 2002 hapoh ka jingialam u Bah Emlang Lytan kum u President bad u la bat ia kane ka kam haduh phra snem shuwa ban shimti ia ka kam General Secretary ka Sengkmie ha u snem 2011.

Dei ha u snem 2016 ba u Bah Wellbirth ula shah jied kum u President ba hakhlieh duh jong ka FKJGP bad dei ha ka jingialam jong u, ba ka seng kala mih ban iakhun halor ka ishu MBoSE bad kaba khaw paw eh ka dei ka jingiakhih pyrshah ia ka jingtih Uranium.

U Bah Wellbirth kum u President ka FKJGP ula thaw ia ka kynhun Coordination Committee of Social Organisation (CCSO) jong ki kynhun sengbhalang bapher bapher ban iakhun pyrshah ia ka kam tih Uranium ha ryngkat ka seng Khasi Students Union.

Kum u Chairman ka CCSO, u la trei borbah ban wanrah ia ka seng West Khasi Hills Students Union (WKHSU) sha ka jingiatreilang ban pyrshah tih Uranium, haduh ba la pynbor ia ka Sorkar Jylla ba kan shim rai ban khylliap noh ia ka lynnong jong kane ka kam.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...