Shillong Nohprah 12 : Ka National Peoples Party (NPP) Nartiang Block Committee, ha ka sngi Thohdieng, kala pdiang burom ia palat 500 ngut ki nongialam ka seng Voice of the People’s Party (VPP) bad ka Congress kiba la wan pyniasoh sha ka NPP.
Ia kine ki nongialam ka VPP bad Congress kiba na ki 73 tylli ki shnong kiba hap ha ka Nartiang Constituency, la pdiang sngewbha sha ka seng NPP da u Working President ka NPP bad Symbud Myntri Rangbah ka Jylla u Bah Sniawbhalang Dhar bad ki nongialam ka NPP ha ka jingialang kaba la long ha Community Hall Wahiajer, kaba hap ha Nartiang Constituency.
Ha kane ka jingpdiang ia kine ki nongialam, la donlang u CEM ka JHADC u Bah Thombor Shiwat, u MDC ka Wahiajer u Bah Reformingson Lamare, u MDC ka Mynsngat Khanduli u Bah Phein Nianglein, u MDC ka Moodymmai u Bah Jesse Suiam, ki MDC ka Moodymmai bad ki nongkyrshan ka NPP.
“Tang katto katne por hadien ka elekshon MDC ki nongialam na kine ki party bapher bapher ki la wan ban kyrpad bad pynsngew ha nga ba kila kwah ban pyniasoh noh sha ka NPP, ngam shim la khot ma nga ia ki. Ki paidbah ka Nartiang constituency ki dei ki briew kiba la nang la stad, kiba leh ki kam khaii pateng, kiba la biang ka pule puthi bad kumta kila tip bad kila bishar ia kaei kaba ka sorkar ka leh na ka bynta ka roi ka par ha ka thain bad ha ka jylla baroh kawei,” la ong u Bah Sniawbhalang bad ka bynrap ba ka jingpynlong ia kane ka jingpdiang ia kine ki nongialam kadei namar ba kila kwah ban rung noh sha ka NPP watla ka elekshon ka dang sah sa 2 snem tam.
U Bah Sniawbhalang ula ong, ba kine kiba wan pyniaosh mynta kidei tang ki nongialam katba ia ki nongkyrshan ym shim la lah ban phah wan namar ba kane ka jaka ba pynlong ia ka jingialang kadei kaba rit bad kan ym ngiam lada ki wan da ki hajar ngut bad ula jingwan jongki sha ka NPP ka pynpaw ba ki kwah ban trei na ka bynta ka seng bad pynkhlain shuh shuh ia ka seng ha kane ka constituency bad ha ka rilum Jaintia.
Ula ai khublei ia kine nongialam kiba na ka seng VPP bad Congress kiba la wan ban pyniasoh noh ialade bad ka NPP bad ula kular ba un trei shitom ban pynkhlain ia ka seng ha ka rilum Jaintia bad ha ka jylla baroh kawei bad kum u MLA un trei met bad mynsiem ban kyntiew ia ka Nartiang Constituency.
U Bah Knierlang Siangshai uba la mih noh na ka seng VPP, haba kren ha ka jingialang, ula ong ba ula don bad ka seng VPP kaba ieid ia ka ri bad jaidbynriew hynrei haba ka seng VPP kala jop ia ka elekshon MDC ha KHADC kala beh kam pynban ia ki nongtrei kiba dei hi ki paradoh parasnam.
“Kine ki nongtrei ha KHADC kidei na ka jaidbynriew jong ngi bad nga dap da ka jingsngewsih bad kumta nga lah rai ban mih noh na ka seng VPP ban iasoh noh bad ka NPP ban iatreilang ban kyntiew ia ka Constituency bad ia ka rilum Jaintia” ong u Bah Siangshai.
Ki nongialam ka seng Congress kila ong, ba ka daw kaba la pynlong ia u bad ia kiwei pat ki nongkitkam ka seng Congress ban mih bad ban pyniasoh noh bad ka NPP kadei hadien ka jingsakhi ka jongki ba ka NPP kala theh ia ki kam pynroi bad kala shimkhia bad kyntiew ia ka bha ka miat ha ka jylla Meghalaya baroh kawei bad kila sakhi ruh ba u Bah Sniawbhalang ula wanrah ia ki kam pynroi kiba bun ban kyntiew ia ka Constituency bad udei ruh u briew uba kloi ban iarap ia ki paitbah ha kino kino ki khep kaba ki shem ia ka jingeh bad jingjynjar.
 Nartiang Block Committee, ha ka sngi Thohdieng, kala pdiang burom ia palat 500 ngut ki nongialam ka seng Voice of the People's Party (VPP) bad ka Congress kiba la wan pyniasoh sha ka NPP.){kind=link}