Shillong, Nailur 24: Ka North East Pride Cup bala pynlong ha ka sien ba nyngkong eh, kala sdang hynne ka sngi saitjain na Shillong, kaba la pynlong hapoh ka ka madan ialehkai jong ka Assam Rifle, Laitkor.
Ia kane ka lympung ialehkai la plie pyrda ka jingiakhun hapdeng ka Sakat FC pyrshah ia ka St.John School ha kaba ka Sakat FC kala ioh rah ia ka jingjop da 5-1 kol.
Kane ka lympung ialehkai ka dei kaba la pynlong ha baroh ki Jylla ka thain Shatei Lam Mihngi ha ryngkat ka jingiatreilang bad ka Assam Don Bosco University.
Hangne ha Shillong, ia kane ka lympung ialehkai la plie da u Dr Lajja Ram Bishnoi, DGP ka Jylla Meghalaya bad u Brig Surender Sharma Director Genaral ka Assam Rifles.
Ia kane ka lympung la pynlong ha ki 22 tylli ki jaka jong ka thain Shatei Lam Mihngi kynthup ia 4 tylli ki jaka ha Meghalaya kata ha Shillong, Mairang, Tura bad Jowai.
Ka jingialehkai ban wan jong ka lympung kan dei kaba pynlong ha Mairang ha ka 29 tarik bad 30 tarik u Nailur.
