Shillong, Nailur 24 : Ka San Shnong Youth Welfare Organisation hynne ka sngi kala pynhap pyrda noh ia ka lympung ialehkai phutbol hapdeng ki Skul jong ka thain Upper Shillong bad kiba marjan bala tip kum ka Free Inter School Knockout-Boys and Girls Tournament.
Kane ka lympung ialehkai kala sdang naduh ka 2 tarik u Nailur bad haduh 30 tylli ki kynhun kila wan ba iashimbynta ba kynthup ia 18 tylli ki Junior Boys, 4 tylli ki Higher Section bad 8 tylli ki kyndon jong ka Girls Senior.
Ki skul kiba iashim bynta ha kane ka lympungt ki long naka thaiñ Lumamwbah, Laimer, Umlyngka, Nongumlong Laitlyngkot , Mawjrong, Mawngap bad Mawphlang.
Ka nam lahduh ha ka jingialehkai jong ki Senior Girls kala leit sha ka skul Pomlum Higher Secondary School kaba la ioh ruh ban rah ia ka song pisa ba T. 50 hajar bad ka trophy.
Ha ka Higher Section, ia ka nam lahduh la ioh rah da ka skul Kyntiew Shaphrang Higher Secondary School kaba la ioh ia ka song pisa ba T. 20 hajar bad ka trophy. Katba ha ka jingialehkai ki Junior Boys, ia ka nam lahduh la ioh rah da ka skul St Paul Higher Secondary School kaba la ioh ia ka song pisa ba T. 50 hajr bad ka trophy.
Ia kine ki khusnam la sam da u Bah Lionel Nongkhlaw uba dei u Secretary ka SSYWO ha kajingiadon ryngkat jong ki dkhot kane ka Seng bad ki Nongialam Shnong ka Marbaniang Umseiniong.
Ha kane ka sngi, ka SSYWO kala noh synniang ruh ia ka song pisa ba T. 20 hajar sha ka Dorbar Shnong bad T.10 hajar sha ka Pomlum Primary Health Centre (PHC).
Ka SSYWO kala pynlong ia kane ka lympung ialehkai kum ka jingpyrshang ban kyntiew ia ka kam ialehkai phutbol bad ban ai ka rynsan ia ki Khynnah Skul ba kin sei iala ka sap ialehkai nalor ka pule ka dangle, ka ban iarap shibun ban pynkiar ia ki na ki jingmlien kiba sniew.
