Shillong, Naitung 31: Ka All Meghalaya SSA Non-Teaching Staff Association (AMSAANTSA) mynta ka sngi, kala sdang iaka jingiakhih daka ba shong kyllain mungor (Sit in demonstration) ba khlem pud ha Malki.
Ha kane ka sngi, la wan shim bynta daki spah ngut ki dkhot ka AMSAANTSA na kylleng ka thain Khasi-Jaintia Hills bad Garo Hills.
Ka AMSAANTSA kala pynlong ia kane ka jingiakhih kum ka dak ban pyrshah iaka Sorkar Jylla halor ka jingpynslem ban pynurlong iaka jingdawa ban kyntiew 80% iaka tulop ha ryngkat 2% iaki ba la rangbah haka kam ba ki trei, kaba la sahteng naduh u nsem 2016.
Ki nongialam ka Association kila pyntip ba ki bor District kila dep ai ia ka jingbit ban pynlong ia kane ka jingiashong kyllain mungor.
Kine ki Non Teaching Staff ki kynthup ia kito kiba trei ha ki cluster level, block level, district level bad state level kiba hap hapoh ka Ophis ka Samagra Shiksha Abhiyan, State Education Mission Authority of Meghalaya.
 mynta ka sngi, kala sdang iaka jingiakhih daka ba shong kyllain mungor (Sit in demonstration) ba khlem pud ha Malki.){kind=link}