Shillong, Nailar 28 : Ka bor pyniaid district ka East Khasi Hills kan sdang ia ka plot project ban ratdyngkhong ia ka jingioh jingpang rabies ki briew na ka jingshah dait ksew da kaba iaid injek ia ki ksew ha ki jaka sor ka Shillong ha ka 1 tarik Nailur.
Ia kane ka project yn sa pynlait ha ka Ophis u Deputy Commissioner ka East Khasi Hills, ha ka por 11 baje mynstep, ong ka kyrwoh bala pynmih ha ka 25 tark Nailar.
La bthah ia ka Shillong Municipal Board ba kan phah ia ki briew ba kin kem ia ki ksew surok na ka bynta ban ai injek bad ban iatreilang ruh bad u District Veterinary Officer. Ia kane ka kam yn pyndon bynta lang ia ki Pulit ka district, ki bor ka tnad ka koit ka khiah, ki veterinary bad ki Dorbar Shnong.
Lah khot sngewbha ia ki Nongmihkhmat na ka shnong Lumshatsngi, Kench’s Trace, Madan Laban bad Riat Laban, Riat Laban Kynjat Phutbol, Oxford, Lower Lumparing bad Upper Lumparing ba kin wan iashimbynta. Ka Helping Organisation for People, Environment and Animals, lane HUFAN, kin iadon bynta lang ha ka project.
