Shillong, Naitung 09: Ka Rongjeng Degree College East Garo Hills naduh mynta ka 9 tarik Naitung, kala sdang ban ai Form naka bynta ka kyrdan pule Degree ha kane ka jaka pule.
Ia kane la pynbna da u Myntri ka tnat Pule Puthi, u Rakkam A Sangma.
“Naduh mynta ka sngi ka 9 tarik Naitung, kala pdiang iaki Form naka bynta ki samla pule kiba kwah ban pule Degree hapoh ka Rongjeng Degree College East Garo Hills” la ong u Rakkam.
Nalor kane u Rakkam ula pyntip ba ka tnad Pule ka la rai ruh ban pyntreikam noh ïa ka polisi thungkam iaki nonghikai daka ba iaid katkum ka District Roster System ha baroh ki jaka pule ba ioh jingiarap naka Sorkar haba iadei bad ki kam nonghikai.
“Kane kan nym treikam ia ki jaka pule kiba dang ioh Lump Sum Grant kum ki skul Adhoc, hynrei baroh ki jaka pule kiba ia katei ka kam nonghikai la ai jingbit da ka Sorkar” ula ong.
Haba iadei bad ka Captain Williamson Sangma State University, u Myntri ka tnat Pule Puthi ula ong “Ngi la jan pyndep lut ia ki jingdonkam ha kane ka skulbah. Ka don ka rukom treikam kaba rit tam ban pyndep bad kham kloi ngin sa ioh VC”.
