Shillong, Naitung 09: U Myntri ka tnat Pule Puthi u Rakkam A Sangma ula pyntip ba kila don kumba 10 ngut ki samla pule kiba la phah bishar bniah biang iaki answer sheet jong ki eksamin HSSLC ba pynlong daka Meghalaya Board of School of Education (MBOSE).
Haba iakren sha ki lad pathai khubor u Rakkam ula iathuh ba napdeng ki 10 ngut, 8 ngut ki dei naka Science bad 4 ngut naka Commerce bad hadien bala bishar bniah, kala don ka jingkylla ki marks hangne hangtai.
“Kane ka mat ka la mih tang ha kane ka kynti namar uwei na ki kyrtong u la don ha ka top list hynrei u khlem mih kyrteng hynrei hadien bala bishar biang ia ka marksheet, ula mih kyrteng. Kum kiba iakhun iaki eksamin, ki don ka hok ban phah bishar bniah biang iaki answer sheet” ong u Rakkam.
U Rakkam ula iathuh ba man la u snem, ha man la ki Board ha kylleng ka Ri, man la ki Board jong ki jylla la ka long ka CBSE, ICSE, AICE ki ailad iaki samla pule ban phah bishar bniah biang iala ki Mark Sheet.
“Kumta ka MBOSE ruh ka la leh kumjuh, ka dei ka rukom kaba ju long, ki khynnah skul bad ki kmie ki kpa ki dei ban ai khublei ia ka MBOSE kaba la ai ia kane ka lad” ula ong.
