-->

Sawa jam ka sur pyrshah Droks ha ka jingiaid paidbah ha Mawlai

Date:

Share post:

Shillong Nailar 10: Kum shi bynta ban rakhe ia ka jingdap 10 snem jong ka Hynniewtrep Youth Council Mawlai Circle, hynne ka sngi Saitjaiñ kila pynlong ia ka Jingiaid Paidbah ban pyrshah ia u droks “Rally Against Drug Abuse”.

Ia kane ka jingiaid paidbah lah sdang nakhmat ka Skul Basic kaba don ha Mawlai Nongkwar bad la iaid lyngba ka Mawlai Phudmuri bad la pynkut pat ha Mawlai Madanheh.

Ha kane ka prokram la iashimbynta da ki khynnah skul bad ki Nonghikai jong ki skul bapher bapher kiba don hapoh Mawlai, ki Nongialam Shnong bad riewpaidbah, ki dkhot ka HYC, ki pulit na Mawlai PS bad kiwei kiwei.

Ha shi lynter kane ka jingiaid kala mih ka sur kaba sawa jam ban “Ong Em ia u droks”, ” Say No to Drugs”, “Ki Skul ha Mawlai, ki Ong Em ia u Droks”, “Ki Nong Mawlai ki ong Em ia u drok”, “U Droks u Pynkordit” bad kiwei kiwei ha kaba la rah ruh ia ki jingthoh ban khot ban wer bad kyntu ia baroh ki nongshong shnong ba kin kiar na u droks.

Ha ka Prokram kaba la long ha Madan Heh lah ioh ia ka jingkren na u Bah Donboklang Kharlyngdoh u President ka HYC Mawlai Circle, Bah Samual Biam, President Seng Samla Mawlai Pyllun, u President ka HYC Bah Roy Kupar Synrem bad kiwei kiwei.

Nalor kane kala don ruh ka jingiakop ‘Poster Campaign’ bad ka jingkren lyngkot halor u droks ha kaba ki khynnah na ki skul bapher bapher kila iashimbynta bad la sam ruh ia ki khusnam sha ki nongjop ha kane ka jingiakob.

Share post:

-->
spot_img

Popular

More like this
Related

Kynjoh ka skul Edren sha u mawmer ba 30 snem

Nongstoiñ, Nailur 27: Ka skul Edren Memorial Secondary School...

Palat 10,500 ngut poi iashimbynta ha ka 4th Sohra International Half Marathon 2025

Shillong, Nailur 27 : Haduh 10,576 ngut ki nongmareh...

Over 10,500 runners join 4th Sohra International Half Marathon 2025

Shillong, Sept 27: The 4th Sohra International Half Marathon...

Khring bha ka Meghalaya ia ki nongwan shangkai | Kiew bunshah ka jingwan ki nongwei

Shillong, Nailur 27: Ka kaiphod jong ka India Tourism...