Shillong Nailar 11: U MLA ka Shillong South Constituency Bah Sanbor Shullai ula ai jingiarap daka song tyngka kaba kot T. 7,55,000 ia ki 15 tylli ki kynhun lyngba ka Discreationary Grant jong u snem 2022-23.
Ia kane ka song pisa la sam lyngba ka Monitoring cum implementation committee jong ka Constituency hynnin ka sngi.
Kane ka committee kala pyntip ba la ai ia katei ka song tyngka halor ka jingpynlong ka jong ki ia ki prokram kiba iadei bad ki khynnah pule, ki samla bad ki paidbah mynta u snem.
Ki kynhun kiba la ioh ia ka song tyngka kaba kot T.1 Lak ki kynthup iaka Shree Shree Laban Shiv Mandir Durga Puja Committee, Sordar Raid Kongthong bad ka Laban Sanatan Dharmasabha Harisabha.
Ki kynhun kiba ioh T.50,000 ki kynthup iaka Gour Nitai Sangha, Rabindranath Tagore Club, Women’s Teej Cultural Committee, Kench’s Trace Puja Committee, ARPAN Women’s (NGO), ka Seng Teilang Ki Kynthei Laban, ka Shishu Mandir Secondary School bad ka Greater Laban Gorkha Women’s Welfare Association.
Katba ka Youth Organization on a Trailblazing Society kala ioh T.15,000, Pynshai School of Martial Arts bad ka SPARK (Bringing Light to Lives) kila ioh mar T.10,000 bad ka Meghalaya State Kick Boxing Association kala ioh T.20,000 bad ka pisa kaba la ai jingiarap sha kitei baroh ka long T.7,55,000.
