Shillong, Lber 09 : U Myntri Rangbah ka Jylla Conrad K Sangma hynne ka sngi Palei, ula sam ia ka doh kyndang sha baroh ki Myntri jong ka Sorkar Meghalaya Democratic Alliance (MDA)-II bad ula bat halade ia ki Tnad ba kongsan ba kynthup ia ka Tnad Finance bad ka Mining & Geology.
Kat kum ka jingbhah kam, u Myntri Rangbah ka Jylla ula bat halade ia ka Tnad Finance, Planning, Home (Political), Forest, Mining & Geology, Information Technology, Personnel, Programme Implementation, Cabinet Affairs bad kiwei kiwei ki Tnad ba khlem ai sha kiwei ki Myntri.
U Bah Prestone Tynsong uba bat ia ka shuki Symbud Myntri Rangbah ka Jylla (DyCM), ula ioh ban bat ia ka Tnad Home (Police) , PWD(Roads), PWD (Buiding), District Council Affairs, bad ka Tnad Parliamentary Affairs .
U Bah Sniawbhalang Dhar uba dei ruh u Symbud Myntri Rangbah, ula ioh bat ia ka Tnad Urban Affairs, Transport, Industries, Prison.
U Bah A.L Hek ula ioh bat ia ka Tnad Anima Husbandry, Fisheries, Printing & Stationery bad ka Secretariat Administration.
I Kong Ampareen Lyngdoh, ila ioh bat ia ka Tnad Health & Family Welfare, Law, IPR, bad ka Tnad Agriculture.
U Bah Paul Lyngdoh ula ioh bat ia ka tnad Social Welfare, Tourism, Arts & Culture bad ka Textiles.
U Bah Comingone Ymbon u la ioh bat ia ka Tnad Food Civil Supply, Water Resources, Home (Civil Defence & Home Guards) bad ka tnad Cooperation.
U Abu Taher Mondal ula ioh bat ia ka tnad Power, Community& Rural Development, bad ka tnad Taxation.
U ma Kyrmen Shylla ua ioh bat ia ka tnad Excise, Revenue & Disaster Management, Legal Metrology, bad ka tnad Home (Passport).
U Marcuise N Marak ula ioh bat ia ka tnad Public Health Engineering (PHE), Housing bad ka tnad Soil & Water Conservation.
U Rakkam A Sangma ula ioh bat ia ka tnad Education, General Administration Department bad ka tnad Border Area Development.
U bah Shakliar Warjri ula ioh bat ia ka Tnad Sports & Youth Affairs, Labour bad ka Registration & Stamps Department.
