Ryngkat ki tiar siat wan pyndem hynriew ngut ki lehnoh NLFT ha Tripura

Date:

Share post:

Agartala, Nailar 05 :Ha ka jingjop ka ba khraw lyngba ka jingtrei borbah jong ki pulit ka Tripura ban pynjem khnap ia ki kynhun seng lehnoh, hynriew ngut ki lehnoh ka ba kynthup ia sawngut ki ehrang ka kynhun NLFT-BM ki la wan pyndem noh ia lade hynne ka sngi Thohdieng. Ia ki arngut kiwei pat la tip kum ki briew ki ba don jingiadei bad ki.

Ki pulit ka Tripura ki la ong ba ha ka 21 tarik u Naitung ba la dep, sawngut ki dkhot ka seng lehnoh NLFT-BM ia ki ba la tip kyrteng kum u Umesh Kolai ia u ba ju tip kum u Uklai (42), u Fanijoy Reang ba la tip kum u Sathukri bad Athukri (39), u Victor Jamatia (47) ia u ba la tip kum u Halam bad u Uttam Kishore Jamatia (42 snem rta) ia u ba la tip bha kum u Usha ki ba dei na Khupuilong ki la wan rung sha Tripura napoh Bangladesh lyngba ki jaka khappud ka Ganganagar ka ba hapoh Dhalai district da ka jingthmu ban leh ia ki kam rahbor, dawa pisa jubor bad kiwei pat ki kam pyntriem.

Kine ki la iaid lyngba ia ki jaka khlaw jong ka Ganganagar, Mungiakami, Ompi bad Killa PSS.

Hadien ba la suba jur halor ka jingwan rung ka jong ki shapoh ka jylla, na ka liang ki bor pahara pulit ka Tripura lyngba ka jingai jingtip da ki tnat syntiat ki la pynlong ka jingkhynra ka ba jur ban lapdien ia kine ki lehnoh.

Kumta ruh namar ka jingshem jingeh ha ka ba iadei bad ka leit ka wan bad wat ban ioh im hapdeng jong ka khlaw bah ka Baramura Range, kine ki lehnoh ki la shim ia ka sienjam ban wan pyndem noh ia lade hakhmat ki bor pulit ka Tripura.

Nalor kine ki sawngut, ki arngut ki nongiatreilang jong ka kynhun NLFT ia ki ba la tip kyrteng kum u Surjya Kishore Jamatia (60) bad u Brajendra Reang (60 snem rta) ruh ki la wan ban pyndem ryngkat lang.

Kine ki lehnoh ki la wan pyndem lang ruh ia ki tiar siat jong ki, ki ba kynthup ia kawei ka suloi AK-56 rifle, 2 tylli ki magazine, kawei ka pistol M-20, kawei ka pistol .38 ha ryngkat ki magazine bad ki kuli nalor ki kot ki sla jong ka seng NLFT bad kiwei pat, ong ka tnat pulit ka Tripura.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...