Pynrem ki nongpathai khubor ka Manipur halor ka jingkynnoh leh tohmet ka NIA ia u heh ka AMWJU

Date:

Share post:

Imphal, Nailar 05 :Laitylli ki seng jong ki nongpathai khubor ba pawkhmat ka Manipur ha ka sngi Balang ba la lah ki la kynnoh ba ka tnat National Investigation Agency (NIA) ka la khot hajir ia u president jong ka All Manipur Working Journalists’ Union (AMWJU) ha ka ophis treikam jong ka bad leh tohmet pyrshah ia u.

Da ka ba pynrem jur halor kane ka jingkynnoh leh tohmet jong ka NIA, ka AMWJU, ka Editors’ Guild Manipur (EGM) bad ka Manipur Hill Journalists’ Union (MHJU), hadien ka jingialang ka ba kyrkieh, ki la shim ia ka rai ban ai da ka memorandum ka ba pynpaw halor katei ka jingshah leh tohmet sha u Myntri kam pohiing ka sorkar pdeng kumjuh sha u Lat ka Manipur, sha u Myntri Rangbah (CM) ka jylla kumjuh sha ka Press Council of India (PCI) bad ka Indian Journalists’ Union (IJU).

Kine ki laitylli ki seng ryngkat lang ki la pynpaw ka jingsngew kyndit bad sngew buhkhoh shibun halor kane ka jingjia ha ka ba u president ka AMWJU u Wangkhemcha Shamjai u la shah khot hajir ha ka NIA hapoh ka ophis treikam jong ka ha Imphal ha kane ka sngi ba Ar ba la lah ha ka ba u la shah leh tohmet kum ia u briew u ba la shah kynnoh donkti.

Na ka liang ki kynhun seng jong ki lad pathai khubor ki la shim ruh ia ka rai ban pynlong da ka jingiakhih ha kane ka sngi Palei ba la lah ban pynrem jur halor katei ka jingwan tuklar jong ka NIA pyrshah ia ki lad pathai khubor ka jylla.

Hadien ba la khot hajir ia u Shamjai lyngba ka phone ha kane ka step sngi ba Ar ba la lah, la pynshong ia u hapoh kawei ka kamra ka ba rit..tad hadien ba uwei u ophisar u la sdang ban tohkit ia u ha ka por janmiet. Hadien u la shah buh ia ki jingkylli ki bym sngewsuk bad ki bym shongnia ha kawei pat ka kamra.

Katkum u Shamjai, la ong ba u la shah byrthen bad pyntieng pynsmiej ha ki dkhot jong ka NIA.Kane ka jingtohkit ka la bteng haduh ka por 5 baje jan miet, pynpaw kitei ki laitylli ki seng.

“Ngi la shim khia ia kane ka jingleh bym shongnia jong ka NIA kum ka jingleh i bein bad ka ba wanrah ruh ka jingeh ka ba khraw halor ka jinglaitluid jong ki lad pathai khubor. Watla katta kum ki nongshong shnong ki ba bat ia ka ain ngi la ai ka jingiatreilang bad kino kino ki kynhun tohkit bad ngin dang iai bteng ruh ha ki sngi ki por ki ban dang wan.”

Na ka liang u joint secretary ka IJU’s all-India bad u secretary ka Agartala Press Club u Pranab Sarkar ki la pynrem jur halor kane ka jingleh tohmet jong ka NIA pyrshah ia u nongpathai khubor ba la rim ka Manipur bad dawa ruh ban pynlong ka jingtohkit halor kane ka jingjia.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...