Shillong, Risaw 13 : Ki arngut ki nongpyniaid ka Shooting Association of Meghalaya (SAM) kila shah jied ban rung hapoh ka Organising Committee jong ka International Shooting Sports Federation (ISSF) World Cup Final 2024, ka ban long ha ka Dr. Karni Singh Shooting Range ha New Delhi.
U Bah John Kharshiing, President ka SAM bad Vice Pesident ka National Rifle Association of India (NRAI) ha ryngkat u Bah Neil Sutinck, Executive Body Member ka NRAI bad General Secretary ka SAM, kin mihkhmat ia ka Meghalaya ha ka jingialehkai Rifle/Pistol/Shotgun.
Ki dei napdeng ki katto katne ki nongmihkhmat na India ki ban iashimbynta ha kane ka lympung, ka long naduh ka 13 tarik haduh 18 tarik Risaw.
Kane ka lympung kan iohi ia ki nongialehkai ban iakhun ha ka jingiakop siat Rifle/Pistol bad Shotgun, ka ban wan iashim bynta ruh da ki nongiakop iasiat kiba tbit ka pyrthei.
Ka ISSF World Cup Final, kaba la pynlong da ka NRAI, ka dei kawei na ki lympung ialehkai kaba paw bha ha ka jingiakop iasiat.
Ia kane ka lympung yn plie ha ka 14 tarik Risaw da u Dr Mansukh L Mandaviya, Myntri ka Ministry of Youth Affairs and Sports, ka Sorkar India kum u kongsan. Ki ban don lang kin kynthup ia u Luciano Rossi, President ka International Shooting Sport Federation kum u symbud kongsan ha ryngkat ki heh ki hain kum u Raninder Singh, Patron ka NRAI, Kalikesh Narayan Singh Deo, Chairman, bad K. Sultan Singh, Organizing Secretary.
 ha ryngkat u Bah Neil Sutinck, Executive Body Member ka NRAI bad General Secretary ka SAM, kin mihkhmat ia ka Meghalaya ha ka jingialehkai Rifle/Pistol/Shotgun.){kind=link}