Shillong, Risaw 28: Ka kynhun ialehkai jong ka Sikkim ki la lah ban bet ha baroh shi bynta jong ka jingialehkai kaba mynta ka sngi tad haduh ba kin da lah ban tan sha ka jingiakhaid (draw) ha ka lympung ialehkai ka Ranji Trophy 2025-26 plate group pyrshah ia ka Meghalaya kaba la long ha madan ialehkai ka MCA, Polo.
Ha ka jingwan ban bteng ia ka pali wan tied kaba ar (second innings), na ka 96 ron naka bynta 2 wiket, ka Sikkim ka la lah ba kan dem hi khui, tad haduh ba ia kane ka jingiakhun ka la khreh sha ka jingiadih sha sngi, kaba la wan hadien ba ka la lah ba kan kamai 303 ron hadien ba ka la hap noh 7 wiket.
Kumban shu pynkynmaw ba ha ka pali wan tied kaba nyngkong (first innings) ka Sikkim ka la lah ba kan kamai 346 ron hadien ba ka la hap noh baroh ki wiket ki jong ka, hadien kane, ka Meghalaya ha ka pali ka jong ka la lah ba kan kamai 405 ron bad ban tam kylla ia ka Sikkim bad kane ka pynlong syndon ia ka Meghalaya ba kan da lah ba kan ioh khur 3 point katba ka Sikkim kan ioh ia ka 1 point.
U namtam napdeng ki batsman ka Sikkim dei u Akash Thapa uba la lah ban kamai 117 ron ba la wan na ki 189 tylli ki bol, kaba la wan hadien ba u la lah ban bteng ia la ka pali ka jong u hadien ba u la lah shwa ban kamai 49 ron bad ban iai bteng ban kynjoh sha ka spah ron (century), kaba dei artad ka sien saw ha ka jingim ialehkai ia ka first class cricket ka jong bad u la out noh ha ki kti jong u Ajay Duhan.
Na ka liang ki nongkawang bol ka Meghalaya (bowler) u. Akash Chaudhary u la ioh ban khur sa shi wiket hynne ka sngi bad kaba pynlong ia u ban khur 3/56 , kaba la wan hadien ba bad ha ka pali ba nyngkong u la ioh ban khur 5/85.
Kum shi bynta ban pyrto ia ka double century, ka nam Player of the Match ka leit sha u wicketkeeper-batter ka Meghalaya u Arpit Bhatewara
 ha ka lympung ialehkai ka Ranji Trophy 2025-26 plate group pyrshah ia ka Meghalaya kaba la long ha madan ialehkai ka MCA, Polo.){kind=link}