Shillong, Naiwieng 03: Ka long ka sngi kaba sngewtynnad ia ka kynhun ki rang ialehkai kriket ka Meghalaya, hadien ba u Ajay Duhan ( guest player) u la lah ban kam ia uwei pat u mawmer ha ka jingim jong u da ka jinglah ban kamai ia ka spah ron (century) ba nyngkong ha ka jingiakhun ia ka Ranji Trophy 2025-26 pyrshah ia ka Bihar kaba la long mynta ka sngi ha Patna.
Tad haduh ba la kut jong ka sngi, kaba lai, ka Meghalaya ka la lah ba kan kamai 235 ron hadien ba ka la hap noh 4 wiket na ki 82 over, kaba kdew beit beit ba kane ka jingiakhun kan poi sha kaba iakhaid (draw).
Haba phai sha ka jingiakhun, ka Meghalaya ka la duh noh Arpit Bhatewara hadien ba u la lah ban kamai tang 1 ron, hynrei u Bamanbha Shangpliang (39 na ki 149 tylli kibol) bad u Ajay, ki la lah ban lam khmat ia la ka kynhun ba kan poi sha ka thong kaba kham skhem.
Kumta satang shi sah kane ka jingiakhun, ban ong ba ba kan mih ka resol jong ka jingjiop ne jingrem lehse ia mynta kam I poi satia shano shano, bad kan shong eh ba haduh katno ki batsman ka Meghalaya kin dang iai bteng ban bteng ia la ka pali wan tied (batting) ka jong ki lashai ka sngi.
