Shillong, Rymphang 19: U Raj Biswa jong ka Meghalaya ula kamai iaka Century ne tied 100 run ha ka sngi balai jongka Ranji Trophy Plate Group final pyrshah iaka Hyderabad.
Ka Meghalaya kala kamai 304 run ha ka jingleit tied kaba nyngkong bad ka Hyderabad kala pynphai kylla da kaba kamai 350 run.
Hynne ka sngi, ka Meghalaya kala leit tied ha ka sien ka baar bad kala kamai 243 run bad hap lut ki nongtied bad ka Hyderabad kala donkam ban kamai 198 run ban jop ia kane ka phainal.
Ka Hyderabad kala kamai 71 run bad hap 1 wiket bad lashai ka sngi kan donkam ban kamai sa tang 127 run ban ioh rah ia ka ban lahduh, u Rahul Singh Gahlaut ula kamai 50 run bad ym pat out satia.
U Raj ula kamai 100 run bad ula shah pynhap noh ha u Rishab Baslas bad ha ka por b aula leittied ha ka First Inning u Raj ula kamai 64 run.
U Raj ula ioh ia ka jingkyrshan na u Jaskirat Singh Sachdeva uba la kamai 81 run.
Ka Meghalaya kan pyrshang ban ialehkai bha ban pynhap dang kloi ia ki nongtied ka Hyderabad ban pynurlong iaka jingangnud ban rah ia ka phainal.
