Shillong, Naiwieng 26: Ka Raj Bhavan, Shillong hynne ka sngi, kala pynlong ia ka jingrakhe ia ka Constitution Day, kaba la tip ruh kum ka ‘Samvidhan Divas’, kum ka dak jong ka jingpdiang ia ka Constitution of India ne ka riti synshar ka ri, da ka Constituent Assembly ha ka 26 tarik u Naiwieng 1949.
Ia katei ka jingialang, la ialam da u Lat ka Jylla u Phagu Chauhan bad ka Lat jong ka Jylla Manipur ka Anusuiya Uikey bad ha kane ka jingrakhe la wan ban iahsimbynta lang da ki ophisar bad ki nongtrei jong ka Raj Bhavan.
Ki nongiashimbynta kila shim ia ka smai ha ka Constitution Day bad pule eh ruh ia ka Preamble ban pynthikna ia ka jingiengskhem ka jongki halor ki nongrim kiba la kynthup ha ka riti synshar ka ri, kaba dei ka kot kaba khlaiñ tam.
Ha u snem 2015, u Myntri Rangbahduh ka ri u Narendra Modi ula pynbna ba ka 26 tarik u Naiwieng kan dei ka Constitution Day bad ula buh ruh ia u mawnongrim ban tei ia u motdur sahnam jong u BR Ambedkar Statue of Equality Memorial ha Mumbai.
Katei ka rai kaba la shim, kadei ruh kaba iahap bha bad ka jingrakhe ia ka lyngkhuh sngikha kaba 125 snem jongu Dr Bhimrao Ambedkar, u nongpynwandur iaka riti synshar ka ri India.
