Shillong, Naiwieng 26: Ka Khasi Hills Autonomous District Council (KHADC) shen kan sa lum jingtip haba iadei bad ka jingdon ki khyrdop (Check Gate) kiba treikam hapoh u pud u sam ka District Council.
Ia kane la pyntip da Chief Executive Member (CEM) ka KHADC Bah Pyniaid Sing Syiem uba la iathuh ba ka District Council kala bthah ïaki Officer ba kin phah ïaka kaiphod halor ka jingdon ki khyrdop (Toll Gate).
Haba kylli, u Bah Pyniaid ula iathuh ba ki don katto katne ki khyrdop jong ki Hima lane ki Customary Toll Gate kiba la ithuh daka ain.
“Hapoh une u bnai nga la bthah iaki Ophisar ba kin pynmih ïaka thup (List) bad kita kiba don haka thup kin sa lah ban treikam haki surok bah katkum ki kyndon ain” ong u Bah Pyniaid.
U Bah Pyniaid ula iathuh ba kala don ka Committee ba khlieh daka tnat District Council Affairs (DCA) ka Sorkar Jylla bad shen ka District Council kan sa lum ka jingialang bad ka Sorkar Jylla ban tip kham bniah halor ka jingdon ki khyrdop ha u pud u sam ka District Council.
