Shillong, Iaiong 02: Ka kynhun Myntri ka Sorkar ka la ai jingmynjur ban pynkylla kyrteng ia ki katto katne ki surok bad ki jaka ha ka jylla kum ka jingburom ia ki riew pawkhmat.
Ki jingpynkylla ki kynthup ka jingpynkylla kyrteng ïa ka surok Blessed Mother Teresa shaka Saint Teresa Road, bad ka Rev Nichol’s Roy Road shaka Rev JJM Nichols Roy Road nalor kiwei pat.
Ia ka surok PWD na Thorika Rabha sha Nibari la pynkylla shaka Utpal Rabha Road, katba ia ka surok Pasyih Garampani la pynkylla shaka Phramer-Shangpung-Saphai Road.
Nalor kata ia ka surok ha Wahthapbru sha Jaiaw Pdeng lyngba ka Mission Compound la pynkylla shaka Dr. Friday Lyngdoh Road.
