Shillong, Risaw 15 : Ka District Mental Health Programme, East Khasi Hills hynne ka sngi saitjain, kala rakhe ia ka “World Mental Health Day” ha ka jingialang bala pynlong ha KJP Assembly Conference Hall Shillong, kaba long halor ka matpdeng “Make Mental Health & Well-Being for All a Global Priority”.
U Noor Khan Chairman cum District & Session Judge ka District Legal Service Authority ula pynshong kun ia ka jingrakhe kum u kongsan bad Dr Y E Phira, Addl DHS (Research) kum symbud kongsan.
Haba kren ha ka jingrakhe, u Noor Khan ula iaroh ia ka District Mental Health Programme halor ka jingpyrshang ban pynioh ia ki jingiarap na ka bynta ka koit ka khiah ha ka por pyrkhat pyrdain ia baroh.
U Khan ula kren ruh ia ka bynta jong ki ain bad ka hok haba iadei bad kiba don jingpang ha ka bor pyrkhat pyrdain bad ula kdew ruh ia ka bynta kaba donkam eh jong ki Nonghikai ba kin peitthuh ia ka bor pyrkhat pyrdain jong ki samla pule.
Ki Nongkren ha kane ka sngi kila kren halor ki mat bapher bapher ba kynthup ia ka “Role of Psychiatrist & MIMHANS in Mental Health”, “Role of IPS, Meghalaya Branch in the field of Mental Health”, ‘Socia; Cause/ Issues in relation with Mental Health”, “Role of Police regarding people with Mental Health” bad ka “Mental Health Act, 2017”.
Ha kane ka jingrakhe la sam ruh ia ki khusnam sha ki nongjop ha ka jingiakop shna poster bad slogan bala pynlong da ka District Mental Health Programme, East Khasi Hills.
