Shillong, Risaw 15: U Myntri ka sorkar jylla u Bah Sanbor Shullai uba long ruh u MLA ka South Shillong hynne ka sngi saitjain, ula plie iaki 4 tylli ki mot kum ka jingpdiang sngewbha ia ki paidbah shapoh ka shnong Lumshatsngi-Kench’s Trace.
Ka Dorbar Shnong Lumshatsngi-Kench’s Trace kala buh ia kitei ki mot ha ki 4 tylli ki jaka bad ka jinglut jingsep ban tei ia kitei ki mot la pynlut da ka tnad Tourism lyngba ka skhim ban pynitynnad iaka shnong ka thaw.
U Bah Sanbor Shullai u la ong ba bun ki kam pynroi naduh ki surok, ki lynti iaidkjat, ki nala bad ban pynpoi iaka umbam umdih kala ioh iaka jingbhah tyngka na ka sorkar bad shen ki tnad sorkar bapher bapher, kin sa sdang ban pyntreikam noh ia kitei ki projek naka bynta ka bit ka biang jong u paid nongshong shnong.
U Rangbah Shnong u Bah Kyrsoi Bok Nongbri bad ka Kong D. Nongkhlaw ka Secretary jong ka Seng Kynthei Lumshatsngi Kench’s Trace, haba ai jingkren kila pynpaw iaka jingsngewnguh ia u MLA uba la shimkhia ban wanrah iaki kam pynroi naka bynta ban pynitynnad iaka shnong.
