Shillong, Nohprah 13: Ka United Democratic Party (UDP) bad ka Hill State People’s Democratic Party (HSPDP) ha ka sngi Ba-ar, kila rai ban iatreilang hapoh ka shatri jong ka Regional Democratic Alliance (RDA) na ka bynta ka elekshon Lok Sabha bad Autonomous District Council, ki ban long ha u snem ban wan.
Haba iakren bad ki nongthoh khubor, u Chairman ka RDA bad President ka UDP Bah Metbah Lyngdoh ula ong “Mynta ka sngi, ngi la sdang ia ka jingiakren ba iadei bad ka elekshon Lok Sabha bad MDC. Ngi la rai ba ngin iakhun lang ha ka elekshon MP bad MDC”.
U Bah Metbah ula ong ba ka RDA kan sa iakynduh biang shen ban rai halor u kyrtong monlang na ka bynta ka Shillong Parliamentary constituency.
“La bthah ia ki dkhot ba ha ka shisngi ne arsngi ngin sa iashong biang bad ngi kwah ruh ban pyndep noh ia ka rai halor u kyrtong ka RDA” ula bynrap.
Haba pynbna ba ka por ban pynbna ia u kyrtong kam pat wan satia, u Chairman ka RDA ula ong “Ngi dang don hapdeng ka jingiakren bad kiwei kiwei ki kam ba ngi iakren bad ia kane ngin sa iakren biang ha ka jingialang ban wan”.
U Bah Metbah ula ong ba ym pat don satia mano mano ruh na ki kyrtong haba phai sha ka RDA.
“Ngim pat iakren satia ia ka kyrtong jong no jongno ruh haba iadei bad ka RDA hynrei ngin sa wanrah ia ka kyrteng ha ka pork aba dei, ia kaba ngin sa iakren ha ka jingialang ban long shen” ula ong.
Ha kajuh ka por, u Bah Metbah ula pyntip ba hynriew ngut na ki dkhot ka HSPDP bad san ngut na ka UDP kila shah pynrung dkhot hapoh ka RDA. Mynta ka jingdon nongkitkam ha kane ka kynhun kala kot 15 ngut.
 bad ka Hill State People’s Democratic Party (HSPDP) ha ka sngi Ba-ar, kila rai ban iatreilang hapoh ka shatri jong ka Regional Democratic Alliance (RDA) na ka bynta ka elekshon Lok Sabha bad Autonomous District Council, ki ban long ha u snem ban wan.){kind=link}