spot_img

Rai ka Sorkar ban pynlut T. 50 lak ban maramot bad pynbha ia ki Thanad Pulit

Date:

Share post:

Shillong, Nailar 09: Ka Sorkar Jylla kala rai ban pynlut haduh T.50 lak na ka Police Infrastructure Renovation Fund (PIRF) ban maramot ia ki Police Station, Police Outpost bad ki Anti Docoity Camp ha baroh ki 12 tylli ki District ka Jylla.

Ia kane ka rai la shim ha ka jingialang jong ka Kynhun Myntri ba long hynne ka sngi ba-ar.

Haba iakren bad ki lad pathai khubor, u Myntri Sorkar James PK Sangma ula ong ba ka Kynhun Myntri kala mynjur ban ban pynkha ia ka PIRF namar ka jingsngew donkam kyrkieh namar ka jingdonkam ban bei pisa ha kaban maramot ia ki jingtei jong ka Tnad Pulit.

“Ngi la shem ba ha kine ki bun bun snem, ki jingtei jong ki Pulit kiba donkam ban maramot, kim shym la ioh pisa ha ka por ba donkam bad kumta, kane kala ktah jur ia ka jingai jingshakri jong ki Pulit” ula ong.

U James u pyntip ba ki kam ki ban pyntrei lyngba ka PIRD kin kynthup ia ki jingmaramot ba kyrkieh ia ki Police Station, Outpost, Fire Service Station, Anti-Dacoity Camp, Battalion kiba la buh hakhmat eh kumba la rai da ka District Level Committee kaba khlieh da ki Deputy Commissioner bad ki dkhot ba kynthup ia ki Superintendent of Police, Commandant ki Battalion bad Project Director ka DRDA bad ki Executive Engineer ka DRDA.

U pyntip ba kiwei pat ki kam ka kynthup ia ka jingpynbha ia ki painkhana, ka jingpynbiang ia ka umbam umdih, ka jaka ap ki briew, ka jingairong airup, ka jingring bording bad kiwei kiwei, kiba donkam eh hakhmat ban pyniaid ia ki Police Station, Outpost bad AD Camps.

Ha kajuh ka por, ka Kynhun Myntri kala mynjur ia ka jingkren ka ban pule ha ka jingrakhe ia ka Independence Day hapoh ka Jylla.

Share post:

spot_img
spot_img

Popular

More like this
Related

Nang suhthied ka NPP ha Manipur | Ia ka NPP la kha ha NE bad ai ka jingshakri ia ki paid NE : Conrad

Shillong, Jylliew 29: Ka National People’s Party (NPP) ka...

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...