New Delhi, Nailar 27: Ka National Committee Meeting jong ka seng National People’s Party ka la long hynne ka sngi ha Constitution of India Club, New Delhi ha kaba ki nongialam ka seng kila iakren halor ka jingpynkhreh naka bynta ka elekshon MLA kaban long ha ka jylla Meghalaya, Nagaland bad Tripura.
Ia kane ka jingialang la pyniaid da u National President ka NPP u Conrad K Sangma ryngkat bad kiwei kiwei ki nongialam jong ka seng.
Chaired the National Committee Meeting in New Delhi joined by party leaders from across the country with the mission to continue working in the spirit of the National People’s Party and ensure victory in the upcoming Assembly Elections in different States pic.twitter.com/1QUfUwedYs
— Conrad Sangma (@SangmaConrad) August 27, 2022
Ha katei ka jingialang la wan ban iashimbynta da ki dkhot jongka National Committee bad ki President jong ki Unit na kylleng ki jylla.
Ki nongialam ka NPP kila iatai sani ha kaba iadei bad ki elekshon MLA kiban long ha Meghalaya, Tripura bad Nagaland.
I thank all members for their unwavering support and I urge each of them to work in coordination & strengthen the party so that we can make a difference in the lives of the people & further the vision of our Founder, (L) Purno A Sangma.
Long Live NPP! pic.twitter.com/F29RP44EXa
— Conrad Sangma (@SangmaConrad) August 27, 2022
Haba iakren bad ki nongthoh khubor, u Conrad K Sangma ula ong, ba ka seng kala pynkhreh na ka bynta ki elekshon kiban sa long bad ula ong ka NPP kan ym iatehlok bad ka BJP ne bad kino kino ki seng sain pyrthei, hynrei ka NPP kan iakhun hi marwei iaka elekshon.
“Ngin ym iatehlok bad kino kino ki seng ne bad ka BJP ha ka elekshon MLA kaban wan hynrei ngin iakhun hi” ong u Conrad.
Ha kaba iadei bad ka jingdon ka seng TMC ha Meghalaya, u Conrad ula ong, ba kila knieh iaka jaka jongka Liang Pyrshah hynrei kila nang pynphiah ia ka seng jong ki.
“Ka TMC kala rung hapoh ka jylla bad ka pyrshang ban pynmih iaka jingsawa tangba kam long kaba suk ba ka jingpynbna paidbah lyngba ki lad pathai ba kin lah ban ktah iano iano ruh” ong u nongialam ba rangbahduh ka NPP.
Ha katei ka jingialang jong ka National Committee la shim iaka rai ban thaw iaki committee bapher ban pynkhlain iaka seng bad la pynkhreh ruh ia ki prokram kiba yn sa pynlong.
