Shillong, Rymphang 01: Ka Langsning XI Cricket Club kala iohrah iaka nam lahduh jong ka Maitshaphrang Khasi League T20 Cricket Tournament, 2023, da kaba pynliem iaka Lawsohtun SCC ha ka phainal kaba la long hynne ka sngi ha madan Polo.
Ha katei ka jingiakhun ka Lawsohtun SCC kaba la jop iaka jingkynting pisa, kala jied ban tied nyngkong ha kaba ki nongtied kila ioh ban kamai 79 Run bad hap 8 ngut ki nongtied ha ka 20 Over.
U samla Kit Nongkhlaw ula kamai 14 Run katba u nongkawang Bol u samla Sylvester Mylliempdah ula ioh 3 Wicket, ai 7 run ha ka jingkawang Bol ha ka 4 Over bad u samla Deibormi Rangad ha ka jingkawang bol ha ka 4 over ula ai 12 Run bad shim 2 wicket.
Ka Langsning XI CC kaba la tied baar, kala ioh ban kamai haduh 83 Run bad hap 9 Wicket ha ka 19.2 Over ban iohrah ia ka nam lahduh ha katei ka jingiakob ialehkai.
U Deibormi Rangad ula kamai 24 run na ki 36 ball bad u Heimon Lyngdoh ula kamai 18 run na ki 21 ball.
Ki nongkawang Bol kiba kynthup ia u Edmund Dhar ha ka 4 over, ula ai 13 run bad ioh 3 wicket katba u Peter Lyngkhoi ha ka jingkawang bol ha ki 4 over ula ai 18 run bad ioh 2 wicket.
U Samla Deibormi Rngad ula ioh iaka nam Man of the Match halor ka jinglah ban kamai 24 Run bad ruh ban shim 2 Wicket.
