Nongpoh, Risaw 23 : Ka seng Ri-bhoi Youth Welfare Organisation (RBYWO) ka pynpaw ia ka jingpyrshah halor ka jingthmu jong ka tnad PWD ban ai pyntrei ia ki 17 tylli ki surok hapoh ka Umroi constituency, tang sha uwei u contractor.
Kane ka Seng kala phah ia ka dorkhas sha u Chief Engineer ka PWD (Roads) ba kyrpad ban pynkylla ia ka tender bala khot ban pyntrei ia kine ki 17 tylli ki surok, kiba kot aduh 43 km na ka bynta ki 18 tylli ki shnong hapoh Umroi constituency.
U President ka RBYWO Bah Abbor Nongrum ula ong ba kane ka jingkhot tylli kawei ka tender ia kine ki 17 tylli ki surok ka dei ka bym iahap satia bad kala pynduh jingkyrmen khamtam ia ki contractor ha kum kane ka juk kyrduh kam. Ka ong ba kane ka jingkhot tender ka dei ka bym lah ban pdiang.
Kane ka seng kala dawa ia u Chief Engineer ban pynshai halor kane ka jingkhot tender bad ban khot thymmai da kawei, da kaba khot tender la la ka jong ia kine ki surok kumba ju leh baroh shikatta khnang ba kiba bun ki contractor kin iohkam lang.
 ba kyrpad ban pynkylla ia ka tender bala khot ban pyntrei ia kine ki 17 tylli ki surok, kiba kot aduh 43 km na ka bynta ki 18 tylli ki shnong hapoh Umroi constituency.){kind=link}