Shillong, Risaw 23 : Ka Deputy Commissioner ka East Khasi Hills, ha ka sngi Balang, kala bthah ban pynpra lut ia ki jingtei ba shipor ha shilynter jong ka surok National Highway-40, kiba hap hapoh ki jaka ba kyntur pud jong ka PWD.
Ha ka hukum ba pynmih ha ka sngi Balang, ka DC kala pyntip ia ka jingdon ki jingkyntur pud sha ki surok bad ki rud surok jong ka NH-40.
Kumta kala bthah ia ki paidbah ba ki dei ban pynpra noh mardor ia baroh ki jingtei ba shipor kiba hap hapoh ki jaka ba kyntur.
Kala maham ruh ba kano ka jingiadie ia ka jaka harud jong ka surok, kan dei ka jingduhnong ia ki nongthied bad ki nongdie ruh kumjuh.
Ha kajuh ka por, ka bor District kala kyntu ia ki Rangbah Shnong ba kim dei ban ai ia kano kano ka kot pata katba kim pat ioh NoC n aka Tnad PWD, na ka bynta ki jaka ba don markhap ka National Highway.
