Shillong, Iaiong 28 : Ki samla pule ka North Eastern Hill University (NEHU) ha ka sngi Nyngkong, kila pynpaw ia ka jingpyrshah kaba jur halor ka jingphah ia ki bor Pulit ban pahara shapoh ka phyllaw jong ka skulbah.
Kila bthah ia ki District Magistrate ba kin bthah mardor ia baroh ki Pulit ba kin mih noh napoh ka phyllaw.
“Ka lynti hi ka long ba phin mih na ka skulbah jong ngi bad leit shong sha kiwei kiwei ki jaka. Wat ym rung shapoh ka skulbah jong ngi khlem da ioh ia kano kano ka jingbit. Kane ka kynthup ia ki Pulit ka Jylla bad ki CRPF ruh kumjuh” ong uwei na ki samla pule.
Kane ka jingphah ia ki bor pahara kala wan jia hadien ka jingshah shoh jong u Professor ka Tnad Hindi jong kane ka skulbah ha u nongialam ka NEHUSU bad katto katne ngut.
Ka ejahar bala mudui da une u nonghikai la register bad ka Mawkynroh Police Outpost. Halor kane,ki Pulit kila kem ia u President ka North Eastern Hill University Students Union (NEHUSU) Sandy Sohtun.
Ka ejahar kala pynpaw ruh ia ka jingdonkti lang ki 5 ngut kiwei pat ki samla ha kane ka kam bymman.
 ha ka sngi Nyngkong, kila pynpaw ia ka jingpyrshah kaba jur halor ka jingphah ia ki bor Pulit ban pahara shapoh ka phyllaw jong ka skulbah.){kind=link}