Shillong, Iaiong 24: U myntri ka tnat Animal Husbandry u bah A.L Hek ula pyntip ba ka tnat kala lah ban tehlakam iaka jingpang jingiap khlam ki sniang lane Swine Flu ha ki shnong ba don ha West Garo Hills.
U bah Hek ula iathuh ba haduh mynta kane ka jingpang iap khlam ki sniang kala neh sah tang ha ki juh ki shnong bad kam shym la don ka jingpur jong kane ka jingpang sha kiwei pat ki shnong ba marjan.
“Ngi la lah ban tehlakam ia kane ka jingpang iap khlam ki sniang ha kine ki shnong bad haduh mynta kam shym la don ka jingpur kane ka jingpang” ong u bah Hek.
Lah ban kdew ba haka 5 tarik mynta u bnai ka tnat Animal Husbandry & Veterinary kala pynbna syndon ia ka shnong Dalu bad ka Asiragre West Garo Hills kum ka thymmei ba sdang kane ka jingpang (Epicenter) Swine Flu.
