-->

Pyntip u CM ba la iakren bad ka MEA halor ki 27 ngut ki nong Meghalaya ba sahkut ha Israel

Date:

Share post:

Shillong, Risaw 08 : U Myntri Rangbah ka Jylla Conrad K Sangma ha ka sngi Saitjain, ula pyntip ba ula iakren bad buddien bad ka Ministry of External Affairs (MEA) ban lah wan ialam noh ia ki 27 ngut ki nong Meghalaya kynthup u MP ka Jylla, kiba dang sahkut ha Israel namar ka thma bad ka Palestine.

Kine ki 27 ngut ki nong Meghalaya kila sahkut ha Bethlehem ha ka jingleit pilgrimage sha kane ka Ri ba Khuid (Holy land) namar ka thma hapdeng ka Israel bad ka Palestine.

U MP ka Jylla bad President ka NPP Meghalaya Dr WR Kharlukhi lem bad ki bahaiing ong u, ki dei napdeng kine ki 27 ngut kiba sahkut ha Bethlehem.

U Conrad ula pyntip ba ula iakren bad dang ia buddien bad ka MEA ban pynthikna ia ka jingwan suk jong ki shala Iing.

Kat kum ka khubor, ia kine ki nong Meghalaya lah ban leit shaw da ka Indian Mission ban pynpoi noh ia ki sha Egypt mynta ka sngi U Blei.

Palat 500 ngut ki briew kila iap sha ka liang ka Israel bad Palestine ha ka jingialeh thma kaba la sdang hadien ka jinghiar thma ki kynhun lehnoh Hamas ha ka step sngi Saitjain.
Ha kauh ka por, u Myntri Rangbah Duh ka Israel ula ong ba ka Ri jon gu kala iiad ha ka lynti ka jingialeh thma kaba la slem bad kaba jwat bha pyrshah ia ki Hamas.

“Ia kane ka thma la pynbor ia ngi da ka jinghiar thma ki Hamas” ong u Netanyahu ha ka X. Ka jingpynphai kylliang kala sdang bad “Ngin dang iai bteng khlem da ieh shuh ia kiei kiei baroh tad haduh ba ngin da ioh ia ka jingjop”.

Share post:

-->
spot_img

Popular

More like this
Related

Ithuh ka PRIME ia 789 ngut ki nongsumar tynrai | 143 kin ioh ia ka jingpynshisha da ka jingstad saian

Shillong, Risaw 29: Ka PRIME Meghalaya ha ryngkat ka...

Meghalaya Govt empowers VDPs with new rule and increased allowance

Shillong, Oct 29: The state government has approved the...

Assam | Shah ther tyngeh u Nongialam Congress ba rwai ia ka National Anthem ka Bangladesh

Guwahati, Risaw 29: U wei u nongialam ka seng...

Pynthikna u CM ba lah pynsangeh ban pyniaid ia ka Tura Medical College da ka PPP Mode

Shillong, Risaw 29: U Myntri Rangbah ka jylla Conrad...