Shillong, May 21: Ka Director General of Police (DGP) ba thymmai ka Meghalaya Kong Idashisha Nongrang, kala pyntip ba kan iakynduh iaki riewpaidbah man Sngi Palei (Thursday) naduh ka por 11 baje Mynstep haduh 2 baje Nohphaisngi hapoh ka Ophis ka DGP, Shillong.
Kane ka jingiakynduh iaki riewpaidbah kadei ban sngap iaki jingeh ne ki jingujor ba ki paidbah ki kwah ban pyntip.
Kane ka jingiakynduh iaki riewpaidbah man ka Sngi Palei kan treikam naduh 30 tarik Jymmang 2024 (Sngi Palei).
La kyntu iaki paidbah ban shim iaka kabu ban wan iakren lane ujor iala ki jingeh markhmat bad ka DGP.
Ka jingpdiang iaka jingpynrung kyrteng ha khyrdop ka Police Headquarters kan dei naduh ka por 10 baje haduh 11:45 baje mynstep.
