spot_img

Iakynduh ka HYC ia ki bor District ka WKH ba la jyllei u droks hapoh ka District

Date:

Share post:

Shillong, Jymmang 21: Ka Hynniewtrep Youths Council (HYC) West Khasi Hills hynne ka sngi kala leit kynduh iaki bor pyniaid District ka West Khasi Hills ban twad jingmut halor ki sienjam bala shim ban iakhun pyrshah ia ka jingjyllei u drok hapoh ka District.

Ha kane ka jingialang, la don lang u Deputy Commissioner (DC) bad u Superintendent of Police (SP) ka West Khasi Hills bad ki nongialam ka HYC West Khasi Hills.

Haka jingialang, ka HYC kala buh ka jingkylli iaka thong Jong ka tnat Pulit lyngba ka Anti-Narcotics Task Force (ANTF) namar katba nang mih ki sngi, u drok u dang jyllei hapoh ka District.

Ka seng kala kyntu ia u DC ban ban iakren badia u Syiem ka Hima Nongstoin ban pynpra noh iaki iing ba jot rathai bad ki iing ba shu ieh iingjah ha Iew Nongstoin namar ka jingshem ba kila kylla long ki ktem jakhlia bad ktem khaii droks.

Na ka liang u DC u la kular ban sa shimkhia bad ban ai jingthoh ha U Syiem ka Hima Nongstoin.

Haba iadei bad ka jingshngain ha ka Iew Nongstoin, ka seng kala kyntu iaki bor District ban phah pahara haka por janmiet naduh ka por 4 baje haduh 8 baje mynmiet lane haduh ka por khang dukan ha kaba u SP u la kular ban sa leh ia kane ka bynta ban wanrah iaka jingshngain ia ki Nongshong iew.

Ka seng kala kyntu ia u DC ban tuklar halor ka jingdon ki bar Jylla kiba wan die dawai khlem jingbit haki Iew khappud kum ha Langja, Thawiar, Langpih, Tonghor, Shahlang.
Ka HYC kyntu iaki bor District ban pynkhlain ia ka jingpahara khamtam ban pynkhlain iaki Police Check Point ha khappud ban khanglad iaka jingwan pynpoi iaki jait drok shapoh ka District.

Lah ban kdew ba tang ha ki ar taiew, ka HYC haka jingleit khynra hapoh Iew Nongstoin, kala ioh bat haduh 20 ngut ki nongdih bad noingkhaii Drok.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img