Shillong, Naitung 10 : U Myntri ka Tnad Social Welfare Bah Paul Lyngdoh ha ka sngi Palei, ula kular ba ka Sorkar kan leh kat kaba donkam ban pynthikna ba ki nongthombom pyrshah ia ki kynthei bad ki khynnah kin ioh ia ka jingpynsajia.
Haba jubab ia ka jingkylli halor kane ka kam, u Bah Paul ula pynthikna ia ka jingkut jingmut jong ka Sorkar ban pynduh jait iaki kam thombor pyrshah ia ki kynthei bad khynnah hapoh ka Jylla.
Kat kum ka jingong jong u, ki don bun ki kynhun treikam hapoh ka jingbtin lynti ka Tnad kiba la pyni ia ka jingaiti lut jong kaSorkar ban leh eiei halor kane ka kam kaba donkam bha.
U Myntri ula iaroh ruh ia ka jingtreikam jong ki Commissioner bad ki Committee bapher bapher kiba treikam hapoh ka Tnad, kiba la shimkhia ia kine ki kam.
