spot_img

Pynshlur ka WJH ia ka jingim ba koit ba khiah bad ba lait na u drok lyngba ka Marathon

Date:

Share post:

Shillong, Jylliew 26: Ban pynshlur iaki paidbah khamtam iaki samla ban lait na u drok bad ban kyntiew ïa ka jingim kaba koit ba khiah, ka Ophis jong ka District Social Welfare Officer, West Jaiñtia Hills ryngkat ka jingïatreilang bad ki bor pynïaid District bad District Sports Officer, ka la pynlong ïa ka jingïamareh marathon iaka ba la ai kyrteng “Mareh pyrshah ïa ka jingdih drok bad ka jingkhaii be-aiñ”..

Ïa kane ka jingiamreh marathon la pynlong kum shibynta ban kynmaw ia ka International Day Against Drug Abuse & Illicit Trafficking bad ka Nasha Mukt Bharat Abhiyaan kaba dang ïaid shakhmat.

Ïa kane ka marathon la plie paidbah da u Bah EHM Passah uba dei ruh u Working President ka West Jaiñtia District Sports Association (WJDSA) na khyrdop jong ka madan Kiang Nangbah.

Ki nongïashim bynta na baroh ki rta ki la ïashim bynta da ka jingshitrhem, da kaba mareh lyngba ka surok na Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Surok Dulong Poh-hali Road, Dulong, Tpep-Pale, Wahnangbah Road, bad New Hilling Circle Highway hashuwa ban leit phai biang sha ka juh ka jaka ba sdang mareh.

Iaka jingïalang la rakhe ruh kum ka jingjop ha ka jingïalehkai bad ka jingaiti ha ka kam, da ki jingkynmaw haka ba la sam iaki khusnam kynthup ki mementoes bad pisa sha ki nongmareh ba wan hakhmat eh.

Men’s category:
First Prize: Dasaman Kyndait na Sabahmuswang, Second Prize Daioohimitre Suting na Sohmynting bad Thied Prize Daboimiki Mulieh na Ialong

Women’s category:
First Prize: Phyrnai Kyndait na Mukhaialong, Second Prize Marwa Shylla na Sabahmuswang bad Third Prize Dakawanhi Suchiang na Mihmyntdu

Share post:

spot_img
spot_img

Popular

More like this
Related

Kem ki Pulit Ri-Bhoi ia u Pulit Assam ba thmu leh beijot ia i Khynnah

Nongpoh, Nailar 30 : Ki Pulit ka Ri-Bhoi District,...

Assam | Pyntip u CM ba pynphai biang ia ki nong Bangladesh kat kum ka Immigrant Expulsion Act

Guwahati, Nailar 30: U Myntri Rangbah ka jylla Assam...

Plie u CM ia ka CM Connect centre ha WGH bad pyllait ia ka Helpline 1971

Shillong, Nailar 30: U Myntri Rangbah ka jylla u...

Kyndang ka KSU ia 22 ngut ki muslim poi ei ba wan sah beain ha Laban

Shillong, Nailar 30 : Ka Khasi Students Union (KSU)-Laban...