Guwahati, Jylliew 25: Ka All Assam Minority Students’ Union (ABMSU) ha ka sngi Balang kala pynlong da ka jingiakhih ha Sachal, Guwahati pyrshah ia ka jingleh bein ne shah pynthut ia ki paidbah rit paid ha ka kyrteng jong ki bar ri ne (foreigner).
“Ngi dawa ban pynsangeh noh mardor ia ka jingshah lehbein, ka jingshah pynthut, bad ka jingpynshitom beain ia ki nongshong shnong ba shisha jong ka ri India ha ka kyrteng jong ki bar jylla ha Assam,” la ong u Taison Hussain, president ka ABMSU.
Shuh shuh u la ong, “Ngi dawa ban ai noh da ka National Identity Cards sha kito ki kyrteng kiba la kynthup ha ka NRC bad ban sdang ka jingujor ia kito ki briew kiba la shah kyntait na ka NRC bad ban pynkut noh ia ka jingbeh shnong ha Assam, hynrei ban pynbha pat noh ia kine ki briew kiba la shah beh bad ruh ban ai jaka ha ryngkat bad ki pata sha kito ki longing ki bym don jaka bad pata.”
Na ka liang jong ka ABMSU kala mudui ruh da ka writ petition ha Supreme Court pyrshah ia ka pushback policy, kaba la ai jingmut ia ka ABMSU ba kin leit tied jingkhang ha Gauhati High Court.
Naduh katei ka por ka ABMSU ka la mudui da ka writ petition ha Gauhati High Court halor kane ka kam pushback bad ka jingshah set beain.
“Ki nong shong shnong ba pura jong ki nong shong shnong ka ri India, kim dei ban shah leh bein ne shah pynthut ha ka kyrteng jong ki bar ri (foreigners), hynrei ki jait bynriew rit paid kila shah pynkylla sohpdung ha kiba bun ki case kila shah niew ba kidei ki nong shong ba beain, wat hadien ba kila don ia ki kot ki sla ban pynshisha. Ngi kyntu ia ka sorkar ba kan sangeh leh bein ne pynthut ia ki nong shong shnong ba shisha,” ong u Hussain.
