Kyntu ia ka Prof Sungoh bad Marak ban nym shimti ia ka shuki Pro VC
Shillong, Naiwieng 14 : Ka NEHU Non-Teaching Staff Association kala pynsdang sa da ka Non –Cooperation Movement pyrshah ia u Vice Chancellor Prabha Sankar Shukla halor ka “Jingai jingmut jong ki samla pule ba iakhih”.
Kat kum ka kyrwoh na u President Dr WR Synrem, ka NEHUNSA ka kyrpad ia ka Prof SM Sungoh bad Prof Fameline K Marak ba kin nym pdiang ia ka jingthung ia ki kum ki Pro Vice Chancellor ka Shillong bad Tura Campus.
Ula ong ba kane ka dei ka buit ba khatduh jong u Vice Chancellor ban iada iala ka jong ka shuki.
Ka NEHUNSA kala shim rai ba baroh ki dkhot kin nym leit iashimbynta ha kino kino ki jingialang, ki jingbthah bad ki rai bala shim da u Prof PS Shukla, VC ka NEHU.
Ka NEHUNSA ka bthah ruh ia baroh ki nonghikai kiba bat ia ki kam ha Ophis kum u Assistantt Registrar In-charge ba kin bud ia ka rai jong ka NEHUNSA.
