Nongpoh, Naiwieng 25: ka kynhun jong ki saw Seng kiba kynthup iaka KSU, FKJGP, HNYF, RBYF ki la leit ban pynsangeh iaka Interview rung kam jong ki samla kiba la leit ban interview ha ka tnad treikam jong ka PHE Nongpoh.
Kane ka jingleit jong ki kynhun Seng bhalang ban tuklar ia katei ka interview ka long namar ka Non-Cooperation Movement bala pynlong da ki Sengbhalang ban pynpaw ia ka jingpyrshah halor ka jingshah siat iap ki 5 ngut ki riew paidbah ha ki pulit Assam ha Mukroh, West Jaintia Hills.
Na ka liang kitei ki 4 Seng ki la leit ban iakren sngewthuh bad ki samla kiba leit ban interview kam bad kyrpad ruh ba kin snohkti lang da kaba ia shimbynta lang bad ki Seng bhalang bad ki la ong ruh ba na ka liang ki Seng bhalang kin bah khlieh ban pyntikna ba na ka liang ka tnad PHE ka dei ban pynkynriah ia kane ka tarik interview sha kiwei pat ki tarik.
Hadien ka jingiakren hapdeng kitei ki samla kiba leit ban interview kam ki la shim iaka rai ba kin snohkti lang bad ki Seng bhalang.
Na ka laing u SDO ka tnad PHE u la ong ba kane ka interview kan shong ha ki samla kiba wan interview la ki kwah ba kane ka interview kan iaid shakhmat ne kin pynsangeh noh bad u la ong ruh ba lada hap ban pynsangeh na ka liang ka Tnad PHE kin sa pynbna pat iaka tarik ban pynlong ia kane ka interview ha kiwei pat ki sngi.
