Nongpoh, Naiwieng 25 : Ki Pulit ka Ri-Bhoi District kila syrtap hynne ka sngi thohdieng hakhmat ka khyrdop jong ka Ophis u Deputy Commissioner ban khanglad ia ki kynhun Sengbhalang kiba khang ia ki Nongtrei ban wan Ophis kum shibynta na ka Non-Cooperation Movement (NCM).
Kine ki Sengbhakang ba kynthup ia ka KSU, FKJGP, HNYC bad RNYF Nongpoh Circle kila leit ban khang khydep ia kiba bun ki Ophis treikam ka Sorkar ha Nongpoh bad kila leit tur ruh sha ka Ophis u Deputy Commissioner ban phah mih ia ki Nongtrei Sorkar ba kin ai ka jingiatreilang da kaba sangeh treikam ha kane ka sngi.
Tang mar ïa ïoh jingtip ia kane, ki bor pulit ki la leit ban syrtap ïa ka khyrdop ophis u DC tad haduh ba la mih ka jingïañia kaba khluit bha hapdeng ki heh pulit, u majistor bad ki nongïalam sengbhalang.
Hadien katto katne por, namar ka jingbym shah u majistor ïa ki Sengbhalang ban rung shapoh ophis, ki nongïalam sengbhalang ki la pynpaw ba lada mih kano kano ka jingjia ba sngewsih ki bor district kin hap ban shim ka jingkitkhlieh.
Ha kane kajuh ka sngi, ki nongïalam sengbhalang jong kine ki saw seng ki la leit ruh ban pynsangeh ia ka interview thungkam jong ka tnat Superintending Engineer ka ophis PHE ha Nongpoh.
