Shillong, Jymmang 31 : Ka Sorkar Jylla hynne ka sngi Balang, kala pynmih ia ka hukum bap hah pynsangeh shuwa ia ka jingpynmih ia ki result jong ki eksamin thungkam bad kumjuh ruh ban pynlong ia ki eksam thungkam hapoh ka Jylla.
Kane hukum kala mih na u Deputy Secretary ka Tnad Personnel & Admv. Reforms (B) Bah LK Diengdoh, uba la phah sha ka Meghalaya Public Service Commission (MPSC), District Selection Committee (DSC), Central Recruitment Board (CRB) bad Meghalaya Medical Recruitment Board (MMRB).
Kat kum ka hukum, la ong “…la bthah ia nga ban ong ba baroh ki kam ba iadei bad ka jingthungkam ha Jylla bad jingpynbna ia ka result thungkam ha ki kam bapher bapher lah pynsangeh shuwa kumba ki long tad haduh da pynmih da kawei pat ka hukum”.
