Shillong, Risaw 23 : U Executive Member ka KHADC ba khmih ia ka Land Bah Powell Sohkhlet ha ka sngi Palei, ula pyntip ia ka Iingdorbar ba ka Ministry of Home Affairs (MHA) kan ym thied shuh ia ka jaka ha Sohbajram (Photmula) ha South West Khasi Hills ban buh ia ka ktem ki shipai Border Security Force (BSF).
U Bah Powell uba khmih ruh ia ka Elaka, ula pyntip ia kane haba jubab ia ka jingkylli bala wanrah da u MDC ka Ranikor Bah Pius Marwein.
Ula batai ba hashuwa kane, ka Hima Maharam kala rai ban ai ia ka jaka ha Sohbajram (Photmula) sha ki BSF, hynrei hadien ba ioh pdiang ia ki jingujor na ka seng Khasi Students’ Union (KSU), ka Executive Committee (EC) ka KHADC, kala pan ia ka jingpynshai na u Syiem ka Hima Maharam.
Kat kum ka jingong jong u, u Syiem ka Hima Maharam ula phah ia ka shithi sha ka KHADC ba pynpaw b aka Hima ka thmu ban ai jaka ia ki BSF. Hynrei, hadien ka jingalang hapdeng u Syiem ka Hima Maharam bad u IG ka BSF ha Mawpat, Shillong, la pyntip ba ka MHA kala rai ban nym thied shuh ia ka jaka ha Sohbajram.
 kan ym thied shuh ia ka jaka ha Sohbajram (Photmula) ha South West Khasi Hills ban buh ia ka ktem ki shipai Border Security Force (BSF).){kind=link}