Shillong, Jylliew 28 : U Myntri Rangbah ka Jylla Conrad K Sangma ha ka sngi Thohdieng ula pynrem jur ia ka jingshah shoh dusmon bad shah shoh tohmet jong kawei ka Kynthei ha West Garo Hills bad kular ban ka bor ka Ain kan leh da kaba tyngeh ia ki briew kiba donkti.
“Ngi pynrem ia baroh kine ki kam bymman bad ki briew kiba donkti ia kine ki kam. Ngin hap leh da kaba tyngeh ia kine ki briew” ong u Conrad haba iakren bad ki nongthoh khubor.
“Kaei kaba ki leh bakla ka long ba lada don kano kano ka kam ba ki sngewktah, kila dei ban iaid kat kum ka lynti jong ka ain ym ban shim ia ka ain hala ka jong ka kti” ula ong haba bynrap ba kane ka long kaba bakla palat bad ki bor ka ain kin leh da kaba tyngeh ia kine ki briew ba donkti.
