Shillong, Jylliew 28 : U Myntri Rangbah ka Jylla Conrad K Sangma ha ka sngi Thohdieng ula ong ba ki paralok ba iatrei lang ha ka kynhun MDA kila iai ban ba kin kyrshan iaka Sorkar haduh ba kut ka samoi.
“……baroh ki paralok ba iatreilang kila iai ban ha nga ba kin iai bteng ban ai jingkyrshan bad ba ngin pyndep ia kane ka samoi treikam Sorkar jong ngi” ong u Conrad haba iakren bad ki lad pathai khubor.
Ula kynthoh ia kane halor ki khubor ba kam ba ka United Democratic Party (UDP) ka lah ban mih noh na ka Sorkar MDA.
Halor ka jingkynnoh ba ki paralok ka MDA kila kynnoh beit tang ia ka NPP halor kiba bun ki kam, u CM ula ong “ka biang beit, ngim don jingsngew ia kane. Ngi la iatreilang ha man ki kam. Nga la dep iakren ia ki paralok kiba iatreilang. Baroh ki iadonlang ha man ki kam. Hooid, ki lah ban don katto katne ki briew ki ban kynthoh ban pynpaw ia ka jingsngew jong ki, kaba dei ka kam kaba biang ha ka riti synshar paidbah ban pynpaw ia la ki jong ki jingsngewkhia.
