Shillong, Jylliew 28: U Myntri Rangbah ka jylla u Conrad K Sangma hynne ka sngi Thohdieng ula ong ba ka Sorkar Jylla kan bteng ban shimkhia bad ka Sorkar Pdeng ban dawa pyntreikam noh mardor iaka Inner Line Permit (ILP) bad ban pynrung noh ia ka ktien Khasi bad Garo ha ka Eighth Schedule jong ka ritisynshar ka ri India.
“Ka mat ha kaba iadei bad ka ktien bad ka ILP kadei kaei kaei kaba ngi lah ju banjur bha.
Ka sorkar jylla ha ka jingshisha kala pynbor ia ka sorkar pdeng lyngba kiba bun tylli ki Resolution kiba ngi lah dep mynjur bad man la ka por ngi lah rah ia kitei ki mat, kumta ka sorkar pdeng ka tip bha ia ka jingsngewkhia ia kitei ki mat kiba la rah da ka sorkar jylla bad kumta ngin bteng ban pynsngew halor kitei ki mat” ong u Conrad.
“Ngam shym la iohlad haduh mynta ban iakynduh ia u Myntri Rangbahduh ka ri ne ia u Myntri Kam Pohiing ka ri namar nga la don ha Delhi tang shi sngi bad kumta nga la ioh ban iakynduh tang ia 8-9 ngut ki Myntri Sorkar. Ha ka sien kaba ngan sa leit biang, ngan pynthikna ba ngan iohlad ban iakynduh ia kiwei ruh bad ha kitei ki jingialang ngin sa iatai bha halor kitei ki mat” ong u Myntri Rangbah.
 bad ban pynrung noh ia ka ktien Khasi bad Garo ha ka Eighth Schedule jong ka ritisynshar ka ri India.){kind=link}