Shillong Naitung 23: Ka Synjuk Ki Khynthei Katholik, Shillong Archdiocese (SKKSA) da ka jingsngewkhia mynsiem, ka pynrem jur halor ka jingjia ha Manipur, ha kaba ia ki riewkynthei lah leh bym khein briew bad lah sloit ia ka burom jong ki da kaba pyniaid lyngkhuit bad lah leh be-i-jot da ki riewbymman.
Ka Synjuk ka la pynlong ia ka jingialang ba kyrkieh ha ka 22 tarik u Naitung 2023 ban duwai kyrpang na ka bynta kito ki riewkynthei kiba la shah ktah ha ki riewbymman.
“Ngi dawa ia ka Sorkar Kmie bad ka Sorkar Jylla Manipur ba kin shimkhia halor jong kane ka kam, ban pynshitom jur ia kito ki riewthrang snam katkum ba shong ka aiñ namar kane ka jingjia ha Manipur ia ki kynthei ka la pynsuhjer bad pynlehrain ia ka ri India hi baroh kawei, bunsien ki kynthei hi ki kylla long ki sohpdung ha ka ri jongngi” la pynpaw ki nonialam ka Synjuk haka kyrwoh khubor.
Ka Synjuk kala ong ruh ba dei ban kynmaw ba ki kynthei ki long ka bor bad jingim jong ka Ri, wat nym niewbein ia ki bad wat nym pynsah dak ïong ha ka jingmut jingpyrkhat jong ki kynthei.
Pule lang ia kane: Pynhap pyrda noh ka RBYF ia ka 1st Badminton Tournament ha Nongpoh
