Uwei uba kem na Bhoi dei u dkhot Sleeper Cell ka HNLC
Shillong, Lber 12 : Ki Pulit ka East Khasi Hills bad Ri-Bhoi District, hynnin ka miet, kila ioh pyn pulom ia ka jingkynnoh thmu pynbthei bomb ka seng Hynniewtrep National Liberation Council (HNLC) ha nongbah Shillong bad ha Nongpoh.
Kane ka jingpyn pulom ka la wanjia da ka jingioh kem ia 4 ngut ki briew na Ri-Bhoi ba kynthup ia uwei u dkhot ka Sleeper Cell ka HNLC bad ka jingioh kurup ia u bomb IED.
U Superintendent of Police ka Ri-Bhoi Jagpal Sing Dhanoa u pyntip ba kine ki 4 ngut ki kyrteng u Damanbha Ripnar uba na Umsning, u Robinis Ripnar, u Jill Tariang bad u Shining Nongrum, kiba dei lut na Ri-bhoi.
Une u Heh Pulit u pyntip ba hynnin ka janmiet por 6 baje eiei, ki Pulit ka EKH bad Ri-Bhoi kila pynlong ia ka jingkhynra bad ha kane ka jingkhynra kila ioh ban bat ia kawei ka Bolero Pickup ML12-3243 bala niah da u Damanbha Ripnar ha ka surok Umsning-Mawhati.
U iathuh ba da ka jingkdew u Damanbha, ki Pulit Bomb Detection & Disposal Squad (BDDS) na Shillong, kila ioh kurup ia uwei u bomb IED na kane ka kali.
Une u Heh Pulit u pyntip ba da kane ka jingiohkem, ki Pulit kila pyn pulom ia ka jingthmu pyn bthei bomb biang ka HNLC ha Shillong bad ha Nongpoh.
Ula pyntip ba kane ka Sleeper Cell jong ka HNLC kala ioh jingbthah na ki Nongialam kiba don ha Bangladesh.
Ki Pulit kila register case ia kine ki 4ngut ha Nongpoh Police Station hapoh ka kyndon 120B/121A pule lang bad ka kyndon 10/13/18 UA(P)act bad 5/6 jong ka Explosive Substance Act.
 ha nongbah Shillong bad ha Nongpoh.){kind=link}