Guwahati, Lber 12: U Myntri Rangbah ka Jylla Assam u Himanta Biswa Sarma hynne ka sngi ula kop ba un hiar shuki lada don kiba ioh long Nongshongshnong ka Ri India napdeng kito kiba khlem pat pynrung kyrteng hapoh ka National Register of Citizen (NRC).
Haba kren sha ki lad pathai khubor u Himanta u la ong “Nga dei u khun ka khyndew ka shyiap ka Jylla Assam bad lada don napdeng kito ki bym pat pynrung kyrteng hapoh ka NRC ki ioh Citizenship, ngan dei uba nyngkong ban hiar shuki”.
“Iaka CAA khlem mynjur mynta, hynrei la mynjur 2 snem mynshwa. Ki don ba ong ba daki lak ngut ki wan rung shapoh Assam baroh kin shai hadien bala pynmih iaki kyrteng hapoh ka portal” ula ong.
U Himanta u la ong “Ka jingpyntip hapoh ka Portal kan kren briew mynta bad kan shai, la la kadei ne em katkum ka jingkynnoh kito kiba pyrshah iaka ain”.
Ka CAA ka plie lad ban ai citizenship ia ki bym dei ki riewngeit na Pakistan, Bangladesh bad Afghanistan.
![Pinterest](https://pinterest.com/pin/create/button/?url=https://kashlem.com/assam-kob-hiar-shuki-u-himanta-lada-don-ba-ioh-long-nong-india-khlem-ka-nrc/&media=https://kashlem.com/wp-content/uploads/2023/12/Screenshot-958.png&description=Haba kren sha ki lad pathai khubor u Himanta u la ong "Nga dei u khun ka khyndew ka shyiap ka Jylla Assam bad lada don napdeng kito ki bym pat pynrung kyrteng hapoh ka NRC ki ioh Citizenship, ngan dei uba nyngkong ban hiar shuki".){kind=link}